ألا ياهل الغرام الضحك وينه والسعاده وين
عسى الله يقطع الفرقى وساعتها وطرياها
أحس بوسط قلبي جرح يشبه طعنت السكين
وأحس بوسط كبدي جمره تحرق ثناياها
وأحس بداخلي ضيقه غريبه كملت يومين
وأحس ان الزمن كشر بنابه يوم فرقاها
وأنا لو اني شكيت اللي بقلبي للجبال تلين
وأنا لوني شكيته للسحايب نثرت ماها
ترى ماهمني حمل المحبه لوغدى حملين
أنا قد الحمول الجايرات وقد بلواها
ولو صارت ضلوعي من سبب حمل الغرام طحين
أنا مثل الجبال الراسيه ما اهتز مرساها
صبور ولو يبور الوقت فيني والزمان يشين
حرام اني لصون اسرار قلبي داخل خباها
عليه نذر وبرقبتي ومني حلف معه يمين
لموت ولادرو ا من وين ديرتها ومنشأها
أبكتم سرها في وسط قلبي لو يطول البين
أبحفضها عن الصدقان والعدوان وأحماها؟؟؟!!
غلاها بالضمير وقدرها العالي بوسط العين
وانا لولا غلاها ماجفيت الخلق لرضاها
تحملت الجروح ولوعت الفرقى وبعد الزين
أحن لصوتها وأحزن لطاريها وذكراها
عليها اللوم من غربي وطنا لا حدود الصين
عسى الله لا يواخذها بغلطتها ويجزاها
أبصبر وأتحمل وأتجمل فالقسي واللين
وأقول الله يوفقها عدد ماسارت خطاها
أنا ليش اتبع المقفين وأشحذ رحمة المقفين
وأنا من روس قوم تستر الزله وترفاها
رجال يفزعون ويحتمون وينصرون الدين
علي درب الهدى والخير والفزعات ممشاها
هم الي يطعمون ويرحمون العاجز المسكين
لهم سيره قديمه ومن جهل بالعرف يقراها
وعلي سود الليالي والمحبه والفراق الشين
دعيت الله يعين ويكشف الضيقه ويجلاها
ويعين الصابرين اللي علي درب الشقى ماشين
وثلاث سنين وهموم الزمان تزيد ممشاها
.gif){kind=icon}
